سؤال
المزيكة ازاي بتعدي الودان وتلعب في الوجدان كده؟!
حاسس الناس عندها طبلة في ودنها وانا عندي ناحية طبلة وناحية رق!!
لو عايز أركز في حاجة، بسمع حاجة واحدة ٥٠ مرة على التوالي وببقى قمة التركيز والإنجاز وفوقهم الاستمتاع!!
كتير بأتمنى اي شغلانة لها علاقة بالصوتيات والمزيكة ولو ساعي، بفهم في الصوت شوية من ساعة ما كنت في ٥ ابتدائي وفي المزيكة ابيض من قوطونيل!! ليه بعشقها كده؟ يمكن علشان ماعرفهاش؟! بتحركني!!
مهم قوي يكون الصوت حلو، قبل الجواز كنت عايش وكنت خارب بيت اللي خلفوني أجهزة، أبويا كان يقول لي انت كده هتتطرش والجيران هايطلبوا البوليس.. ممكن ارهن حد من العيال علشان اشتري اللي نفسي فيه، في بيتي عندي سماعات في كل حتة بما فيها الحمام... في المكتب كنت باقفل الباب علشان الشباب يعرف يشتغل وانا كنت باخربها بسمعات زي بتاعت الحفلات!! في الأفراح باسأل مين ال DJ؟ وبحس الفرق في الصور... وساعات باستعمل سدادات الودان علشان الراجل مايفصلنيش لو بيهبل.. باطلب التراكات بعد الفرح علشان اشغلها وانا شغال في الصور.. الموضوع ليه جزور وذكريات كتير.. سعات بحسها نعمة وسعات بحسها خطية!! ياله مش وقته...
السؤال بقى، في حد ممكن يساعدني؟! :-$
المزيكة ازاي بتعدي الودان وتلعب في الوجدان كده؟!
حاسس الناس عندها طبلة في ودنها وانا عندي ناحية طبلة وناحية رق!!
لو عايز أركز في حاجة، بسمع حاجة واحدة ٥٠ مرة على التوالي وببقى قمة التركيز والإنجاز وفوقهم الاستمتاع!!
كتير بأتمنى اي شغلانة لها علاقة بالصوتيات والمزيكة ولو ساعي، بفهم في الصوت شوية من ساعة ما كنت في ٥ ابتدائي وفي المزيكة ابيض من قوطونيل!! ليه بعشقها كده؟ يمكن علشان ماعرفهاش؟! بتحركني!!
مهم قوي يكون الصوت حلو، قبل الجواز كنت عايش وكنت خارب بيت اللي خلفوني أجهزة، أبويا كان يقول لي انت كده هتتطرش والجيران هايطلبوا البوليس.. ممكن ارهن حد من العيال علشان اشتري اللي نفسي فيه، في بيتي عندي سماعات في كل حتة بما فيها الحمام... في المكتب كنت باقفل الباب علشان الشباب يعرف يشتغل وانا كنت باخربها بسمعات زي بتاعت الحفلات!! في الأفراح باسأل مين ال DJ؟ وبحس الفرق في الصور... وساعات باستعمل سدادات الودان علشان الراجل مايفصلنيش لو بيهبل.. باطلب التراكات بعد الفرح علشان اشغلها وانا شغال في الصور.. الموضوع ليه جزور وذكريات كتير.. سعات بحسها نعمة وسعات بحسها خطية!! ياله مش وقته...
السؤال بقى، في حد ممكن يساعدني؟! :-$
No comments:
Post a Comment